Loving Elyson!

Merry Christmas mga SKB! Kumusta ang inyong pagsaulog sa Pasko? Naghinaut ko nga merry lang ang tanan ug kung dunay mga kakulian nga dili kapugngan, God is the only answer sa mga problema. Ang pagminahalay kay dili lang dapat sa Pasko nato ipakita  kundili matag adlaw.  Ang gugma para sa tanan; bisag kinsa pa ka! I love you all!!

Sa wala pa ang Pasko gibisita kita sa atong pambato sa StarStruck nga si Elyson De Dios para mangayo sa atong suporta para sa StarStruck Final Judgement. Sa bag-o lang nahuman nga StarStruck Final Judgment si Elyson ang nahimong 1st Runner up  sa StarStruck Season 6.  Ang iyang homecoming nahimong very memorable tungod kay iyang gibisita ang iyang hometown sa Liloan, ang iyang  eskwelahan pag elementary, high school  diin usa siya sa mga varsity players sa basketball. Apil usab sa iyang homecoming ang pagbisita sa Barangay RT 99.5 Nindota Ah para mag hi and hello sa mga listeners ug mangayo og suporta atong panahona. Siyempre wala niya sayanga ang kahigayunan nga makauban sa atong segment sa 24Oras ang House Attack para manghatag og mga pa premyo ug usa ka sakong bugas. Lingaw kaayo ang maong kasinatian kauban si Elyson. Bisan dili kaayo maayo sa pinulungang Tagalog pero pasok na siya sa jar!

Representing Central Visayas, usa lang gusto ni Elyson ang magduwa og basketball. Apan tungod sa iyang paningkamot ug mga damgo ni audition siya sa StarStruck. Tungod sa maong programa na develop niya ang iyang talent sa pagkanta, sayaw ug sa acting!

Ug siyempre ang inyong Mother Butanding wala usab nagpaulahi sa pagpangutana kabahin ni Elyson. Ania ang 12 Facts You Don't Know About Elyson:

1.   Katabi ko pa rin ang mama ko matulog.

2.  Kaya nako hutdon ang 12 ka slices of pizza

3.  Protective ko sa mga ate nako (ako  man ang kinamanghuran )

4. Caring sa friends and family

5. Mahilig sa basketball

6. Tungod sa basketball scholar ko sa USPF

7.  Ganahan ko magduwa og  dota ug PSP

8.  God- loving ko

9.  Nagdako gyud ko sa Liloan

10.  Favorite nako ang burger ug spaghetti

11.  Dili ko kahibalo mo istorya og tagalog sa pag apil nako sa StarStruck

12.   Loving

 Nagpasalamat og dako si Elyson sa iyang mga supporters ug fans. Ug ready na siya nga moatubang sa mga challenges nga iyang maagian para sa iyang journey isip usa ka artista.

 Congratulations Elyson! Dream. Believe. Survive. StarStruck!!!

Bebe Love nag-una!

Sama sa gipaabot nag-una gyud ang pelikulang "My Bebe Love" sa box-office ranking sa pagbukas na sa Metro Manila Film Festival niadtong Biyernes, December 25.

Ang nahisgutang pelikula gibituonan nila ni Vic Sotto ug Ai Ai delas Alas ug pambato ang AlDub o ang loveteam nila ni Alden Richards ug Maine "Yaya Dub" Mendoza.