CEBU, Philippines - Sa labing una nga higayon, midawat si Gerald Anderson og gay role ug matan-awan kini karong gabii sa Maalaala Mo Kaya.
Si Gerald maoy modala sa kinabuhi ni Bert Mendoza, 33-anyos nga elementary school teacher nga dunay talagsaong genetic disorder nga gitawag og X-linked Dystonia Parkinsonism (XDP).
Nailhan kini sa kadaghanan nga Lubag Syndrome, XDP nga nakaapekto kasagaran sa mga lalaki nga nagpangedaron og 30 pataas.
Suma pa sa aktor nga dili lalim ang gidala niya nga role ilabi na nga kinahanglan nga masundog gyud niya ang mannerism sa karakter nga iyang gidala.
“It was a very challenging role para sa akin kasi may XDP po ‘yong character ko at bading siya. “Mahirap ‘yong pagiging gay, mahirap rin pong magsalita, then ‘yong mannerism pa niya,” suma pa sa aktor.
Suma pa ni Gerald nga wala siya nagduha-duha sa pagdawat sa dihang gitanyag kaniya ang maong role.
“Dream role ko rin ‘yon. Hindi ko lang in-expect na may ganoong challenge pang kasama, na may XDP pang kasama sa first gay role ko,” dugang pa sa aktor.
Gipadayag usab ni Gerald nga dako siya og respito sa lesbian, gay, bisexual, and transgender (LGBT) community.
“Gays are the most creative people, kasi they have the best of both worlds,” suma pa sa aktor.