CEBU, Philippines - Misuway matud pa og ilog ang ABS-CBN aron sila ang makapasalida sa fight nila ni Floyd Mayweather Jr. ug Manny Pacquiao. Giingong si Mayweather ang giduol sa ABS-CBN apan wala kini nabuhat. Naka-kontrata si Pacman sa GMA-7 busa siya ang makabuot niini.
Paukyab ra
Igo lang gikataw-an si Erik Santos sa iyang mga kritiko kalabot sa pagsige og pasiatab niini nga malipayon ang iyang kinabuhi gumikan kang Angeline Quinto. Suma pa nga “trying hard” ra kaayo si Erik.
Jay mibalik sa ABS-CBN
Human sa pipila ka tuig nga pagpasilong sa TV5, mibalik na si Jay Manalo sa ABS-CBN. Malakip si Jay upcoming series sa ABS-CBN nga And I Love You So (My Stepsister).
Paniguro ang peg
Tsika pa ni Arnell Ignacio nga naniguro na siya daan, ug nangandam na siya daan sa iyang kaugalingon sa higayon nga mawala na ang iyang career. Ang pagpamaligya og balay maoy usa sa gikabisihan karon sa TV host.
Edu hatagan og talk show
Gawas sa seryeng Bridges of Love, aduna pu’y umaabot nga talk show si Edu Manzano. Mapasalamaton si Edu sa nagpungasi nga proyekto nga gihatag kaniya sa maong network.
Okay lang
Tsika pa ni Alden Richards nga wala gyud siya gilaay sa iyang kinabuhi bisan pa man nga wala siya’y girlfriend. Suma pa sa aktor nga na-enjoy ra siya sa showbiz.
Singing career ang giatiman
Samtang wala pa’y TV project si Enchong Dee, ang pag-promote sa iyang music album maoy iyang gikabisihan karong panahona. Wala pa’y ideya si Enchong sa iyang sunod nga acting project sa ABS-CBN.
Alfred miatras
Wala modayon si Alfred Vargas sa seryeng “And I Love You So” sa ABS-CBN gumikan kay dili na madala sa schedule niini gumikan sa iyang trabaho isip kongresista sa ilang distrito sa Quezon. Gihulipan si Alfred ni Raymond Bagatsing.
Carmina gisapot
Tungod sa pag-angkon sa The Voice Kids Philippines runner-up nga si Darren Espanto nga crush niya si Cassy Legaspi, nahimo na nga biktima karon sa bashers ang babayeng anak nila ni Carmina Villarroel ug Zoren Legaspi. Gikatahong nangasuya lang ang ubang tawo kang Cassy gumikan kay nataypan kini ni Darren, Suma pa ni Carmina nga gipang-block niya ang bashers sa iyang anak gumikan kay gisapot siya niini. Suma pa ni Carmina nga dali ra siya nga masuko kung ang iyang anak na ang hilabtan.
AiAi mubalik sa GMA7
Gibutyag ni Ms. Lilybeth Rasonable, Senior Vice President for Entertainment TV sa GMA-7, nga duna na sila’y giandam nga slot alang kang AiAi de las Alas sa seryeng Let The Love Begin. Nasayran nga dunay nahitabong negosasyon karon tali kang AiAi ug sa mga kadagkoan sa GMA-7. Kahinumduman nga may sitcom si AiAi sa GMA7 kaniadto kauban sila si Rossana Roces ug anhing Rudy Fernandez sa wa pa kini nilayat paingon sa ABS-CBN. ()
Naghubo nga Kim gi-tweet ni Kanye?
Nahugyaw ang online community human gi-tweet sa sikat nga rapper nga si Kanye West ang hubo nga mga hulagway sa iyang asawa nga si Kim Kardashian niadtong nakalabay nga gabii.
Mao kini pamaagi ni Kanye aron pagpahalipay sa iyang asawa gumikan sa kalampusan nga nakab-ot niini human nikabat na og 30 million ang followers ni Kim sa twitter.
Nagkanayon ang caption ni Kanye sa mga hulagway ni Kim: “CONGRATS BABY ON 30 MILLION TWITTER FOLLOWERS”.
Suma pa sa Billboard.com, ang maong mga hulagway unang gipakita atol sa season premiere sa “Keeping Up with the Kardashians,” ang reality show ni Kim ug sa iyang pamilya.
Si Kim mismo matud pa ang nagplano sa maong nude photo shoot, gumikan kay buot niining magpahulagway sa mao niyang lawas sa dili pa siya makabaton og dugang anak.
Isip reaksyon sa gibuhat sa iyang bana, nagkanayon si Kim: “Ummmm how cute is my husband?!?!?!?! Ugh I love him so much!!!”
Ipadayon kaha ang hinabang?
Usa si Nora Aunor sa mga nanawagan nga kinahanglan nga mo-resign na si Presidente Noynoy Aquino.
Wala na kauyon si Nora sa pamaagi ni PNoy sa paghupot niini sa nasud.
Gitataw hinuon sa superstar nga wala kini koneksyon sa wala pagpili ni PNoy sa iyang pangalan nga mahimong national artist sa miaging tuig.
Adunay mga himantayon nga nakapangutana kung ipadayon pa kaha sa igsuon ni PNoy nga si Kris Aquino ang paghatag og plite ni Nora alang sa paglarga niini paingon sa Amerika alang sa operasyon sa tutonlan niini.
Julia, Inigo, ug MIles hida sa serye
Nag-ulohan og “And I Love You So” ang labing una nga serye ni Inigo Pascual sa ABS-CBN kung diin makauban niya sila si Julia Barretto ug Miles Ocampo.
Suma pa ni Julia nga dili basta-basta ang maong serye gumikan kay mopagawas gyud siya og bug-at nga emosyon.
“Kasi my shifting sa character ko this time, mas may konek sa akin as Julia. Malalim talaga ‘yung character,” suma pa ni Julia.
Samtang nagmaya og maayo si Miles gumikan kay nahatagan na gyud siya og major role sa usa ka serye.
“Kinakabahan ako pero sobrang thankful kasi habang lumalaki ay sa sitcom ako nalagay. Pero ngayon nabigyan ako ng opportunity ng Dreamscape na gumawa naman ng iba,” matud pa ni Miles.
Samtang gibutyag ni Inigo nga maka-relate ra siya sa iyang role nga musician sa nahisgutan nga serye.,
“I’m gonna put my musical background and my acting together kasi ‘yung character ko dito he is a musician. I’m really happy that I will be able to put that part of my life in this (project),” nagkanayon si Inigo.
Malakip usab sa “And I Love You So” sila si Angel Aquino, Raymond Bagatsing, Dimples Romana, Dante Rivero, Bing Loyzaga, Luke Jickain, ug Jay Manalo. (BANAT NEWS)