CEBU, Philippines - Nahimuot pag-ayo si Jennylyn Mercado ngadto sa iyang partner sa seryeng Rhodora X nga si Mark Herras gumikan kay nabantayan niya nga seryoso kaayo kini sa iyang trabaho. Naka-focus karon si Mark sa iyang trabaho alang sa iyang anak.
STAGES nagpakahilom
Ang naghupot sa career ni Sam Concepcion nga STAGES Incorporated nagdumili pagkomento kalabot sa report nga nakatilaw og insulto ni Anne Curtis ang ilang alaga. Gumikan sa pagpakahilom sa maong talent agency, misamot ang mga pagduda nga tinoud gyud ang nitumaw nga isyu.
Kalbaryo ni Gwen
Gipadayag ni Gwen Garci nga wala pa nahuman ang kalbaryo niya sa iyang ex-boyfriend nga Italian chef kinsa maoy amahan sa iyang anak. Suma pa ni Gwen nga kuwang kaayo ang financial support sa maong lalaki ngadto sa ilang anak.
Camille kontento sa iyang imahe
Matud pa ni Camille Prats nga bisan nagka-sexy na ang iyang lawas, dili gihapon siya mosugot og mga sexy role. Matud pa sa aktres nga iyang imintinar ang wholesome niya nga imahe.
Maja nakagawas na sa tambalanan
Nakagawas na si Maja Salvador sa tambalanan human kini nag-antos sa kasakit sa iyang tiyan. Suma pa sa uyab ni Maja nga si Gerald Anderson nga magsige og inom og softdrinks ang aktres busa naglain ang tiyan niini. Mibalik na si Maja sa taping sa seryeng “The Legal Wife.â€
Aron dili mag-emote
Gi-relax ni AiAi delas Alas ang iyang kaugalingon niadtong Huwebes aron dili siya makahuna-huna sa kaminyuon nila ni Jed Salang sa miaging tuig. Niadtong Abril 3 unta ang unang wedding anniversary nila ni Jed kung wala pa sila nagbuwag.
Manglupad sa New Zealand
Nagpundo og maayo si Ryan Agoncillo og mga episode sa programa niya nga Picture Picture sa GMA-7 gumikan kay gikatakda siya nga molarga dili madugay sa New Zealand. Kauban ni Ryan sa pagtikang sa maong dapit mao ang iyang asawa nga si Judy Ann Santos. Mosalmot og triathlon si Ryan sa maong dapit.
Saktong panahon
Tsika pa ni James Yap nga dili pa siya andam nga ipaila-ila niya ang iyang uyab nga si Michaela Cazzola ngadto sa iyang anak nga si Bimby. Nagkanayon ang basketbolista nga bata pa kaayo si Bimby busa iyaha lang kini ipaila-ila sa iyang uyab sa saktong panahon.
Aron matabunan ang isyu
Human giklaro nila ni Kris Aquino ug Derek Ramsay nga friends lang silang duha, mitumaw ang mga istorya nga nadamay lang ang pangalan ni Derek aron matabunan ang isyu nga nag-link sa pangalan nila ni Kris ug Quezon City Mayor Herbert Bautista.
Lisa pasidlakon sa ABS-CBN
Usa si Lisa Soberano sa gi-build up karon sa ABS-CBN busa gitun-an nga chemistry nila ni Enchong Dee pinaagi sa episode sa Maalaala Mo Kaya karong gabii.
Sarah nataypan
Giingong uyon kaayo ang mga ginikanan nila ni Matteo Guidicelli ngadto sa uyab sa ilang anak nga si Sarah Geronimo. Nasuod na ni Sarah ang mga sakop sa pamilya ni Matteo.
Hinay-hinay lang
Gipadayag ni Angeline Quinto nga wala’y angayan nga dalian busa padayon gihapon nga nag-ilhanay sila ni Erik Santos sa usa’g-usa. Giingong taud-taud na nga nagpa-cute si Erik ngadto kang Angeline.
Marian dili hilig mogimik
Tsika pa ni Marian Rivera nga dili siya hilig molaag og bar. Suma pa sa aktres nga mas ma-relax siya kung magpuyo lang siya sa balay kung duna siya’y bakanteng oras.