White Heads,Uwat, Kaspa

Happy Sunday! Dako kaayo nakong kalipay nga makadawat sa inyong mga pangutana kada Domingo. Salamat kaayo sa padayong pagbasa niini akong lindog. Naa pa bay mga topic nga gusto ninyo akong hisgutan diri? E-text lang ug ako kanang isuwat sa sunod nga mga Domingo. Basta dapat mahitungod kini sa pagpagwapa, panamit, pamatasan ug panglawas.  Kay kana tanan ato hatagan og tubag! Anah lang!

1. Hi Ms Anna! I’m Jervy of Apas. Unsay angay nako gamiton aron mawala ang lagum sa hawak ug agi sa underwear?  Naa batay tambal para moputi?

Hi Jervy! Medyo lisod na gyud tangtangon ang agi sa atong underwear sa atong mga panit. Pwede kang mogamit og scrub pareha sa milk salt o brown sugar ug olive oil . E-scrub lang kini sa apektado nga area.  Likayi gyud ang panty line, dapat dili huot ang imong panty para malikayan kini.

2. Hi Ate Anna! I’m Lovejoy of Lapu2x City. Ask lang unta ko og unsay makapawala sa kaspa. Palihug tambagi ko Ms Anna. Thanks and God bless!

Hi Lovejoy! Para sa kaspa, pwede kang mogamit og aspirin. Pag-dokdok og duha ka aspirin hangtod mahimong powder, unya isagol sa imong shampoo. Ipabilin kini sulod sa 1-2 minutes unya waswasi kini. Pwede sad kang mogamit og baking soda. Mao imong himuon og shampoo. Medyo makauga kini og buhok pero after pila ka semana mobalik ra ang natural oil sa imong buhok.

3. Hi I’m Jhon Edward from Carcar. Unsaon pagwala ani ako white heads? Thanks daan Maam Anna

Hi Jhon! Pwede kang mogamit og suka and cornstarch para pa tangtang sa whiteheads. Imo ra nga isagol ang duha hangtod mahimo og paste unya ibutang sa area sulod sa 15-30 minutes. Panghilam-os dayon, gamit og medyo init nga tubig. Pwede sad kang mogamit og lemon o limonsito. Ibutang ang duga sa gapas unya e-apply sa whiteheads kada-gabii.

4. Hi Ms Ann! I’m Lea of Mandaue City. Ask lang unta ko ba kung unsay lifestyle para ma maintain nako ang akong good skin kay as of now my skin got worse. Maayo ba Ms. Ann nga tumaran ni og Vit. E tablet? Effective ba gyud na siya? Unsa akong buhaton? Palihug tambagi ko.

Hi Lea! Yes, makatabang gyud ang pag-inom ug vitamin E.  Mao kini makatabang og protekta sa imong panit sa kainit sa adlaw. Para monindot imong kutis, dapat mokaon ka og healthy ug balance nga diet. Kinahanglan og vitamins B, C, E, A ug K ang atong panit mao na siguroa nay mga ingon niining bitamina imong mga gipangkaon. Ang pag-inom og daghang tubig, eight glasses kada-adlaw dako usab og tabang para nindot ang kutis. Ayaw sad kalimti ang pag apply og sunblock kada-adlaw, bisan man og dili ka mogawas sa balay. Dapat manghilam-os ka at least kaduha sa usa ka adlaw para limpyo kini pirmi. Kung mag make-up ka, tangtanga gyud kini sa dili pa ka matulog. Dapat limpyo imong nawong sa dili pa ka matulog sa gabii.

5. Helo Ms Anna! I’m Jhona of Bogo. Nag problema jud ko sa akong panit dali ko mapaakan og lamok then ang resulta ani itom kaayo nga uwat. Palihug tabangi ko unsay tambal ani. Salamat!

Hi Jhona! Gamit og toothpaste para mawa ang katol. Imo lang kini ipahid sa pinaakan unya ayaw gyud kawta kay mao kanay maka uwat. Butangi kini og baking soda para mawa ang lagom. Unya sundi og pahid og lemon para motubo og balik ang new skin cells. Palit sad og vitamin E capsule unya ipahid niini.