Oily face ug perfume

Hello and Happy Sunday! Salamat sa tanan nga nipadala sa ilang mga pangutana niadtong Domingo. Nalipay ko kay mas nagkadaghan nang lalaki ang nakisayod sa atong lindog ug nagsugod na sad og pangutana bahin sa beauty ug health. Ipadayon pa ang pag text sa inyong pangutana guys, ug akong paningkamutan nga matubag kana tanan. Anah lang!

1. Hi Miss Anna! Gud am, ako si Steve sa Balamban.  Unsa jud ang pinaka best nga facial cleanser para sa akong face, oily man gud siya, nya itom akong face. Daghan pa gyud bangagbangag. Unsa ako buhaton ani? Salamat daan and more power sa imong men’s care.

Hi Steve! Lisod kaayo isulti og certain brand nga maoy pinakamaayo kay tanang klaseng facial wash modepende gyud na kung hiyang imong panit o dili. Pareha nako, ang akong facial wash dili hiyang sa akong amiga. Magka bugas-bugas pa gani siya. Mao na ako tambag nimo, suway og lain lain nga brands hangtod makakita ka sa saktong klase para nimo. Ang mga facial wash karon naa nay lainlain sad nga type. Naay para sa mga uga og panit, naa pod sa oily. So pangitaa ang para sa oily. Bahin sa bangagbangag, dapat na nimo iduol og dermatologist kay naa na silay solusyon ana. Dapat sad ka usa o kaduha sa usa ka buwan, magpa-facial ka sa mga derm clinic para mo nindot imong panit.

2. I’m Jasper Miramontes from Mabolo Cebu City. Mangutana unta ko kung   unsaon nako pag-control sa mga oil sa akong face ug kung unsa akong pwede ibutang. Salamat!

Hi Jasper! Para sa mga oily og nawong, siguroa nga imong facial cleanser para jud sa mga oily skin. Unya, pagdala pirmi og oil control film. Kana imo gamiton panglimpyo ug pahid sa mantika nga manggawas sa imong nawong. Likayi ang moisturizer kay mosamot ka kasinaw niana.Ipalayo nimo dapat imong buhok sa imong nawong, dapat limpyo imong tupi kay ang buhok nga magsige og bag-id sa nawong maoy hinungdan nga magka- bugasbugas ka. Likayi sad ang paghikap sa imong nawong ilabi na kung hugaw kini. Gamit og tissue o panyo kung ikaw sington.

3. Good morning ate An, unsa diay ang makaayo sa nasunog nga panit tungod sa adlaw? Kay usahay mag deliver mi og mineral water, unya init kaayo bisan pa man og nagpandong ko… Jimuel ni sa Balao, Barili.

Kung ikaw kanunay naa sa ilawom sa init sa adlaw, siguroa gyud nga mogamit ka og sunblock. Unya dapat imo kini i-apply kada oras. Ang panit nato nipis kaayo og sensitibo mao nga likayi nga kini masunog. Kung imong panit nasunog na, pwede ka mogamit og aloe vera ug ipahid nimo kini sa apektado nga area. Pwede sad ka mogamit og labakara nga gihumol og bugnawong tubig ug imo kining ipatong kada gabii.

4. Ms Anna, hope matambangan ko nimo. Morena man gud ko nahan ko magpaputi unsaon man? Thanks and God bless. Im Say, 26, from Lahug.

Hi Say! Daghan na kaayong mga whitening products nga available sa mga malls ug drugstores. Gikan sa sabon, hangtod sa cream, ug uban pa. Pero ang pinakadali ug pinaka epektibo kay ang glutathione. Medyo mahal kini pero paspas ang resulta.Pero hinumdomi, ang tinuod nga kaguwapa dili sa ka puti o  sa ka itom sa imong panit, kung dili sa imong pagka kontento kung unsa ang gihatag sa Ginoo nimo?

5. Ako diay si Hatchlee taga B. Rodriguez. Ask lang unta kon unsay ilhanan na bagay nimo ang perfume na gamiton?

Hi Hatchlee! Kung ikaw nangita og perfume para nimo, mas maayo kung imo mismo masuwayan ang iyang  kahumot sa tibuok adlaw. Kay diha nimo mahibaw-an ang epekto niya kung kini modugay ba sa imong lawas ilabi na kung masagulan sa imong singot o baho. Kung ikaw mosuway og sample, e spray kini sa inner part sa imong elbow. Ayaw kini ipahid, e spray lang para molungtad gyud iyang baho.

Pangutana para kang Anna? I-text kana, dungan sa imong ngalan ug address ngadto sa:0943-431-4567 sa dili pa ang 12 noon karong adlawa, June 23. Atangi ang tubag niana sunod Domingo, ayaw og panawag sa numero kay ang tanan dinhi lamang nimo mabasa sa Banat In.