Men’s Care

Happy Sunday ug Happy Father’s Day sa tanang amahan diha! Kay adlaw man karon sa mga gitawag nato og papa, tatay, ita, erpats o daddy, dedicated nila ang akong lindog karon. Kung beauty ug skincare ang hisgutan, pirmi gyud makalimtan ang mga laki. Kung sa unang panahon, walay paki alam ang mga lalaki sa ilang mga panit, karon dili na na sila magpapilde.

 Daghan na kaayong mga produkto nga para sa mga laki. Aniay mga tips para sa atong mga amahan diha:

1. Paglimpyo – Ang panit sa lalaki mas baga ug oily.  Mao na ang paglimpyo pinaagi sa paghilam-os pirmi importante gyud. Mao kini ang unang lakang sa nindot nga panit. Ang mga facial cleansers makatangtang sa hugaw, grasa, ug uban pang contaminants nga maoy makabara sa pores. Ang dapat lang ninyong hibaw-on mao ang matang sa imong panit: uga ba nga klase o oily?  Hinumdomi sad ang paglikay sa paggamit og sabon nga pangligo sa inyong nawong. Mao kini makauga ug makadaot sa panit.

 2. Moisturize – Ang sunod lakang mao ang moisturizing. Kung kini normal ug pirmi buhaton sa mga babay, baliktad kini sa mga lalaki. Pero kung imo kining sugdan, di gyud ka magmahay. Kung kinahanglan kini sa mga babaye, mas pa mong mga lalaki gumikan sa klase sa inyong panit.

 3. Pahumot – Kaming mga babaye, sensitibo kaayo og ilong. Mao na dapat mas kahibaw ang mga lalaki kung pagpahumot na ang hisgutan. Ang perfume kay individual taste. Dapat mobagay kini sa imong panit ug natural nga baho. Dili tungod humot ni sa imong migo, mao sad ang epekto diha nimo. Mao na dapat mangita ka og tarong ug pahumot nga mobagay nimo ug imo gyung gusto.

Pangutana para kang Anna? I-text kana dungan sa imong ngalan ug address ngadto sa :0943-431-4567 sa dili pa ang 12 noon karong adlawa, June 16.