I Love you papa

Happy Sunday! Kung buwan na gani sa Hunyo ang hisgutan, mahinumdoman gyud nato ang atong mga amahan kay kini ang buwan sa Father’s Day. Bisan man og  sa sunod Domingo pa kini saulogon,  sakto kaayo ang timing sa paghatag nako ninyo og tips kung unsaon kini pag-celebrate! Happy Father’s day sa tanang tatay, papa, daddy dira ilabina sa akong papa nga si Allan Igpit! Love you pa!

Unsaon pagsaulog sa Father’s Day? Dia ra:

1. Dapat ma-enjoy sa atong amahan ning adlawa, so mas maayo kung di nimo sya pukawon og sayo. Pwede nimo siyang andaman og pamahaw, o breakfast in bed. Kung siya hilig magbasa og  newspaper kada buntag, imo siyang andaman daan para mao iyang unang makit-an inig mata niya. Maayo pod kung imo kining pakapinan og kape.

2. Himoa kining usa ka dakong selebrasyon! Imbitara ang tanang papa sa inyong pamilya ug mga paryente o bisan sa inyong komunidad. Adto ba mo sa plaza para mag picnic o mangaligo og dagat.

3. Ipagawas imong pagka mamugnaon. Kung mahilig siya sa tam-is, pag bake og cake para niya. Pwede sad imo siyang lutuan og panihapon kuyog ang imong tibuok pamilya. Pwede sad usa ka gift basket kung diin naay mga ginagmay’ng butang nga paborito sa imong amahan.Kung ikaw mahilig sa balak o kanta, pwede nimo siyang himuan para mismo sa Father’s day.

4. Lab-as ang inyong mga  experiences. Tapoka inyong mga litrato ug pwede nimo ning himuan og scrapbook o ba kaha usa ka slideshow. Sa gamit sa teknolohiya, mas dali na karon makabuhat og album nga nindot so baliki tanan ninyong mga kasinatian kuyog sa imong amahan para naa kamoy makita ug mahinumduman.

5. Ang labing importante sa tanan mao ang pagtapos sa adlaw pinaagi sa pagsulti og “I love you” ug paggakos sa imong amahan. Dili materyal nga butang ang gipangita sa imong papa, kun dili ang imong pagpakita niya sa imong pagmahal. Mao na ayaw gyud kini kalimti, kay bisan unsa pa kanindot ug kalingaw inyong pagsaulog niining adlawa, mao gihapon kini ang dili gyud nila makalimtan. 

eskinaKUSINA

 Winner nga Sinigang

 Ni Lady Dada

107.5 Win Radio

Maayong adlaw nga Domingo kaninyong tanan, segurado ko nga giatngan ninyo kanunay ang usa sa mga segment sa Banat News matag Domingo, ang  Banat In. Puwes, ako ipaambit kaninyo ang lamian nga sinigang nga seguradong patok sa panlasa sa masa.

   Kahibalo ba mo, nga kung wala ko’y lingaw sa among panimalay, dili gyud nako kalimtan ang pagtikang sa kusina, aron makadalit og lamian nga pagkaon alang sa akong mister ug anak?

    Puwes oras na , aron sutaon ninyo kung unsaon pagluto ang lamian kaayo nga sinigang.

Mga sagol:

1 1/2 lb shrimp (with head)

1 pungpung nga  kangkong, pikasa og tag three inches

1 cup string beans pikasa og tag two inches

2 pieces medium-size nga kamatis

1 dako nga sibuyas bombay

8 cups nga tubig

1 sachet tamarind soup base mix)

2 pieces banana pepper (or long green pepper)

3 tbsp patis

Pamaagi:

  Para adunay twist gamay, ang akong style ako una nga pakuyosan ang shrimps  ug dili lang kaayo lutoon, mopuwa na gani gamay, okay nana para ilunod sa sinigang.

    Kini nga paagi maoy mopalami og maayo sa shrimps  sa dili pa kini isagol sa mga utanon.

1.         Pabokali ang tubig  .

2.         Ipahimutang ang pinikas nga bombay  ug kamatis  ug huwata hangtud nga mohumok.

3.         Dugangi dayon og  tamarind mix ug ukaya sulod sa duha ka minutos.

4.         Butangi dayon og  banana pepper ug  string beans . Sugkaya sulod sa duha ka minutos.

5.         Ipuno dayon ang shrimps  ug patis.

6.         Butangi og kangkong ug pabukalan sulod sa singko minutos.

(Manghugyaw si Lady Dada sa kahanginan pinaagi sa 107.5 Win Radio  gikan sa Lunes hangtud sa Sabado,  3-5pm)