Pinakamahabang noodles sa buong mundo, niluto sa China!

ISANG bagong world record ang naitala sa Dao Bazai Township, Weichang Manchu and Mongol Autonomous County, matapos lumikha ang mga resi­dente roon nang pinakamahabang potato noodles!

Ang noodles ay may habang 500.152 meters, na katumbas ng mahigit apat na American football fields.

Ang record-breaking noodle ay niluto ng 14 skilled noodle­ artisans gamit ang tradisyunal na pamamaraan, kabilang ang masusing paghahanda ng dough, pagpapakulo, at pagpapalamig dito upang makamtan ang tamang texture.

Ang matagumpay na world record attempt na ito ay naganap sa Double Ninth Festival.

Ang kaganapang ito ay hindi lamang nagpamalas ng mayamang kultura at tradisyon ng Weichang kundi nagpakita rin ng kahalagahan ng potato industry sa rehiyon.