Messi mikulit og World Cup record
CEBU, Philippines — Si Lionel Messi sa Argentina mihimo og kasaysayan isip labing unang football player nga nakaduwa sa unom ka sagunson nga FIFA World Cup. Nahimo pang mas espesyal ang gabii ni Messi gumikan kay mi-iskor siya og hat-trick kon tulo ka goals aron ibandera ng Argentina ngadto sa 3-0 nga paglampaso sa Algeria sa una nilang duwa sa 23rd FIFA World Cup kagahapong adlawa didto sa Arrowhead Stadium sa Kansas City.
Uban ang 16 na ka goals, gitabla ni Messi ang rekord ni Miroslav Klose sa Germany alang sa labing daghan nga goals nga nalansang sa usa ka player sa World Cup.
Tungod niini, ang 38-anyos nga si Messi nanginahanglan og usa na lang ka goal aron mokulit og laing marka isip all-time leading scorer sa World Cup.
Kining dungog makab-ot ni Messi kon maka-goal siya sa sunod nilang duwa batok sa Austria karong Hunyo 23.
Si Messis nagsugod og duwa sa World Cup sa dihang nag-edad pa lamang siya og 18 anyos niadtong 2006 didto sa Germany. Ang Italy maoy nakampiyon niadtong panahona.
- Latest
