CEBU, Philippines — Ang University of Cebu (UC) Webmasters miinat sa mainit nilang ratsada ngadto sa pito ka duwa samtang ang Cebu Institute of Technology-University (CIT-U) Baby Wildcats mibihag sa four-time defending champion Sacred Heart School-Ateneo de Cebu (SHS-AdC) Magis Eagles sa Cebu Schools Athletic Foundation, Inc. (CESAFI) Season 25 basketball tournament niadtong Biyernes, Nobiyembre 21, sa Cebu Coliseum.
Sila si Luther Leonard ug Ricofer Sordilla milansang og krusyal nga free throws sa pinal nga 31 segundos aron bitaron ang Webmasters ngadto sa 59-56 nga pag-eskapo batok sa University of Southern Philippines Foundation (USPF) Panthers.
Si Sordilla mihipos og 11 puntos, upat ka rebounds ug usa ka assist sa dihang gipahugtan sa Webmasters ang ilang pagkupot sa solong liderato sa college division bitbit ang 9-1 win-loss rekord.
Nahanaw ang 37-27 nga labaw sa Webmasters sa tunga-tungang bahin sa ikatulong kuwarter diin ang Panthers nakasikit ngadto na lang sa usa ka lugas, 56-57, sa katapusang 55 segundos.
Apan sila si Leonard ug Sordilla mipasud og tagsa ka free throw aron paghatag sa Webmasters og tres puntos nga labaw sa nahibiling sayes segundos. Ang Panthers duna pa untay tsansa nga makapuwersa og overtime apan si John Howard Taala nasipyat sa gitira niyang tres dayong kapupos sa oras.
Si Keaton Taburnal mitapos uban ang 15 puntos ug unom ka rebounds samtang si Paul Apolonio mitali og 11 puntos ug unom ka rebounds alang sa Panthers nga natagak sa 2-8.
Sa juniors category, si Geoffe Partosa mikadlit og 19 puntos, unom ka rebounds ug usa ka assist aron pangulohan ang Baby Wildcats ngadto sa 61-56 nga pagpakugang sa Magis Eagles.
Sa dihang nagtabla ang iskor, 56-56, sa pinal nga kuwatro minutos, sila si Keiff Russel Suarez ug Jero Deniel Rosellosa nakaigo sa krusyal nilang mga itsa sa wala pa si Cyrus Joeff Abadies miposa og usa ka free throw sa hilimatyong segundos aron silyohan ang makapakurat nga daog nga nagtukod sa Baby Wildcats ngadto sa usa ka triple-tie uban sa Magis Eagles ug University of Cebu Lapu-Lapu and Mandaue (UCLM) sud sa Magic Four ubang ang managsamang 5-2 nga baraha.
Webmasters nakaipsot sa Panthers
EMMANUEL B. VILLARUEL
MANILA, Philippines — Ang University of Cebu (UC) Webmasters miinat sa mainit nilang ratsada ngadto sa pito ka duwa samtang ang Cebu Institute of Technology-University (CIT-U) Baby Wildcats mibihag sa four-time defending champion Sacred Heart School-Ateneo de Cebu (SHS-AdC) Magis Eagles sa Cebu Schools Athletic Foundation, Inc. (CESAFI) Season 25 basketball tournament niadtong Biyernes, Nobiyembre 21, sa Cebu Coliseum.
Sila si Luther Leonard ug Ricofer Sordilla milansang og krusyal nga free throws sa pinal nga 31 segundos aron bitaron ang Webmasters ngadto sa 59-56 nga pag-eskapo batok sa University of Southern Philippines Foundation (USPF) Panthers.
Si Sordilla mihipos og 11 puntos, upat ka rebounds ug usa ka assist sa dihang gipahugtan sa Webmasters ang ilang pagkupot sa solong liderato sa college division bitbit ang 9-1 win-loss rekord.
Nahanaw ang 37-27 nga labaw sa Webmasters sa tunga-tungang bahin sa ikatulong kuwarter diin ang Panthers nakasikit ngadto na lang sa usa ka lugas, 56-57, sa katapusang 55 segundos.
Apan sila si Leonard ug Sordilla mipasud og tagsa ka free throw aron paghatag sa Webmasters og tres puntos nga labaw sa nahibiling sayes segundos. Ang Panthers duna pa untay tsansa nga makapuwersa og overtime apan si John Howard Taala nasipyat sa gitira niyang tres dayong kapupos sa oras.
Si Keaton Taburnal mitapos uban ang 15 puntos ug unom ka rebounds samtang si Paul Apolonio mitali og 11 puntos ug unom ka rebounds alang sa Panthers nga natagak sa 2-8.
Sa juniors category, si Geoffe Partosa mikadlit og 19 puntos, unom ka rebounds ug usa ka assist aron pangulohan ang Baby Wildcats ngadto sa 61-56 nga pagpakugang sa Magis Eagles.
Sa dihang nagtabla ang iskor, 56-56, sa pinal nga kuwatro minutos, sila si Keiff Russel Suarez ug Jero Deniel Rosellosa nakaigo sa krusyal nilang mga itsa sa wala pa si Cyrus Joeff Abadies miposa og usa ka free throw sa hilimatyong segundos aron silyohan ang makapakurat nga daog nga nagtukod sa Baby Wildcats ngadto sa usa ka triple-tie uban sa Magis Eagles ug University of Cebu Lapu-Lapu and Mandaue (UCLM) sud sa Magic Four ubang ang managsamang 5-2 nga baraha.