Tatum gioperahan ang naangol nga tiil
CEBU, Philippines — Nagmalampuson ang gipahigayong operasyon aron ayuhon ang nabuak nga tuong Achilles tendon ni Jayson Tatum kagahapong adlawa.
"Jayson Tatum underwent successful surgery to repair a ruptured right Achilles tendon," sigun pa sa opisyal nga pamahayag sa Boston Celtics nga ilang gi-post sa X.
"No timetable is currently available for his return, but he is expected to make a full recovery. Further updates will be provided when appropriate."
Si Tatum na-injured sa katapusang kuwarter atol sa 121-113 nilang kaparotan batok sa New York Knicks niadtong Martes didto sa Madison Square Garden sa New York City.
Ang six-time NBA All-Star miluko sa sawog samtang nagping-it sa tumang kasakakit human siya na-angol.
Si Tatum gitabangan og pagawas sa korte luwan sa usa ka wheelchair padung sa ilang locker room nga gikabalaka dili lamang sa iyang mga teammates apan hasta sab sa mga kauban niyang players sa NBA kay nasayud nga seryoso ang nahiaguman niyang injury.
Gawas nga nahimong komplikado ang ilang paningkamot nga makabangon gikan sa 3-1 nilang alkansi sa serye, usa ka dakong suntok ang nadangatan sa Celtics gumikan kay madugay-dugay pa ang pahuway ni Tatum kansang rehabilitasyon modagan og usa ka tuig o sobra pa.
- Latest
