Dejaño madasigon sa tahas isip bag-ong CCSC chairman

CEBU, Philippines —  Ang inilang sports medicine doctor nga si Rhoel Dejaño misaad og padayon nga kalamboan sa natad sa paugnat sa kusog sa siyudad sa Sugbo human siya gitudlo ni Cebu City Mayor Raymond Alvin Garcia isip bag-ong tsirman sa sports commission sa dakbayan.

Nahimong epektibo ang pagtudlo ni Dejaño sa iyang posisyon niadtong Pebrero 24.

Gilantaw ni Dejaño nga usa ka dakong dungog kining bag-ong reponsibilidad nga gisang-on kaniya.

"It is with great enthusiasm that I accept this responsibility, and I am excited to contribute to the continued growth of sports in our vibrant city," matud pa ni Dejaño, ang "2024 Sportsman of the Year" sa Sportswriters Association of Cebu (SAC).

Si Dejaño, ang labing unang Pinoy nga doktor nga nakapasar sa International Olympic Committee (IOC) Diploma Course in Sports Medicine, moasumir sa puwesto nga kanhi gikuptan ni John Pages, nga anaa gihapon sa CSCC isip usa sa mga commissioner niini.

"I would like to extend my heartfelt appreciation to my predecessor, Mr. John Pages, for his remarkable leadership over the past years. His achievements in guiding the commission have been commendable, and while it is indeed a challenge to follow in his footsteps, I am fully committed to doing my best to continue the important work he has begun," dugang pa ni Dejaño.

Kabahin sa iyang mga plano mao ang pagpahigayon og duha ka mga dakong kalihukan sa umaabot nga mga bulan.

Kini mao ang Cebu Sports Summit ug ang Classification Workshop alang sa PWD nga mga atleta aron pagseguro nga sa mga kompetisyon nga ilang pagasalmotan, haum ang kategoriya nga ilang apilan sa kalibre sa ilang ablidad.   

"I hope to live up to the expectations of our beloved Mayor and work together with all stakeholders to continue developing and improving sports in Cebu. Thank you once again for this incredible opportunity," panapos pa ni Dejaño.