CEBU, Philippines — Hingpit na nga usa ka inahan si Miss Universe Philippines 2012 Janine Tugonon human gihimugso niya sa niaging adlaw ang unang liwat nila sa iyang French partner.
Babaye ang maong bata ug gipahibalo niya kini pinaagi sa iyang Instagram story .
Dugang pa ni Janine nga nanganak siya pinaagi sa Cesarean Section.
“Taking it slow lang. Walking is good for circulation daw," Instagram post sa beauty queen.
Isyu sa secret wedding gitubag ni Bianca
Hugtanong gihimakak sa Kapuso actress nga si Bianca Umali ang niulbo nga chika nga matud pa nagpakasal ug nag-ipon na sila og puyo sa iyang longtime boyfriend nga si Ruru Madrid.
“Klaruhin natin. Kami po ni Ruru ay, of course, we are on our 7th-year-of-the-relationship. Of course, our conversations are there.Pero sa ngayon, mina-maximize po namin ang aming individual careers. At oo, madali lang pong sabihin na handa na kaming magpakasal. Because in our hearts, we are really ready.,” saysay pa ni Bianca sa interview niini sa “Fast Talk with Boy Abunda” .
Bisan paman nga andam na sila sa maong butang , wala pa gyud sila maghisgot kalabot niini. Barugan pud nila ang ilang prinsipyo mga dili mag-ipon og puyo kun dili pa kasal .
“Hindi pa po kami kasal. At definitely, hindi po kami magsasama nang hindi kami kasal,” dugang pa ni Bianca.
Kiefer ug Diana engaged na!
Pipila pa lang ka adlaw human sa pag-angkon sa ilang rekasyon , gianunsyo dayon sa beauty queen nga si Diana Mackey ug basketball star nga si Kiefer Ravena nga engaged na sila. Gi-post dayon ni Keifer sa Instagram ang hulagway nila ni Diana kinsa nagsul-ob og engagement ring.
“An October to Remember,” caption pa ni Kiefer sa maong hulagway.