CEBU, Philippines — Si NBA All-Star forward Klay Thompson namahayag nga kampiyonato maoy iyang tuyo sa iyang pagbalhin sa poder sa Dallas Mavericks.
"That's why I'm here," matud pa ni Thompson nga nakuha sa Mavs gikan sa Golden State Warriors pinaagi sa usa ka komplikadong trade nga naglangkob og unom ka teams
"That's the goal of this team this season is to obviously win a championship," dugang pa ni Thompson nga nakadaog og upat ka kampiyonato uban sa Warriors kauban silang Stephen Curry ug Draymond Green.
Ning higayona, sila si Luca Doncic ug Kyrie Irving na ang makatambayayong ni Thompson. Laraw nila nga hatdan og titulo ang Mavs nga katapusang nakampiyon niadto pang 2011.
Si Mavs head coach Jason Kidd masaligon nga si Thompson dako og maambag sa team gawas sa pagkahait sa tinirahan niini.
“His work ethic is like no other. He's going to help the younger guys, but also he's going to help everyone when he's on the floor," dason pa ni Kidd. "He's been there, he's won, he's lost, and he understands what it takes to get there."
Sa laing bahin, ang Mavs magsugod sa ilang kampanya sa pre-season batok sa Memphis Grizzlies karong Martes.
Sa 2024-25 NBA season, una nilang sangkaon ang San Antonio Spurs karong Oktubre 25 oras dinhi sa Pilipinas.