CEBU, Philippines — Ang kanhi two-division ug unified world champion nga si Marlon Tapales (39-4, 20KOs) buot nga magpabiling aktibo human sa labing uwahi niyang kadaogan didto sa Cambodia.
Tungod kini sa iyang laraw nga makakaplag og laing oportunidad nga maka-away alang sa world title.
“I was very happy with the tune-up bout in Cambodia,” padayag pa ni Tapales.“I got the rounds I needed and had a wonderful time in the great country of Cambodia. I’m looking to stay active around the end of the year or early next year, even going back to Cambodia.”
Si Tapales midaog pinaagi sa unanimous decision batok sa determinadong Indian challenger nga si Saurabh Kumar aron pagpabilin sa iyang trono isip WBC Asia Continental super bantamweight champion niadtong Septiembre 7 didton sa Olympic Stadium sa Phnom Penh. Mao kadto ang ikaduhang sagunson nga daog ni Tapales sukad siya gipilde ni Japanese superstar Naoya Inoue sa ilang sangka alang sa undisputed super bantamweight title.
Uban sa suporta sa Sanman Boxing ug Knuckleheads, si Tapales nakapokus pagmintinar sa iyang kaandam sa umaabot nga mga hagit.
"I trust my team at Sanman Boxing and Knuckleheads to handle whats next," dugang pa ni Tapales. "I’m confident they will have the best opportunities for me."