CEBU, Philippines — Bisan og sila na lang ang way pildeng team sa PBA Governors’ Cup, wala gisulod sa Rain or Shine Elasto Painters ang mainit nilang ratsada sa ilang huna-huna.
Sa kasamtangan, ang Rain or Shine nagkupot og perpektong 4-0 rekord human ilang gilampornas ang way import nga Phoenix Fuel Masters, 116-99, niadtong Biyernes sa gabii.
Luyo sa nagkadena nilang daog, si head coach Yeng Guiao mipahimangno sa Painters nga dili angay mokompiyansa kay wala pay kaseguroan ang tanan. “I keep reminding the guys also that yes, we’re winning, we’re 3-0 before this game, 4-0 now, but all of this is fragile. You lose two games in a row, you lose to a team without an import which could have happened today, then all of that is going to dissolve and we will just be another regular team again,” matud pa ni Guiao.
“All of this is temporary. We’re hoping we can stretch our win streak as much as we can,” dugang pa niya. Tirada sa Painters nga makatali og unom ka daog aron garantisado na silang maka-angkon og luna sa sunod nga hugna sa torneyo.
Sangkaon sunod sa Rain or Shine ang San Miguel Beermen karong Huybes, Septiembre 5.