CEBU, Philippines — Ang Swedish guard nga si Pelle Larsson maoy bida sa dihang gibuntog sa Miami Heat ang Memphis Grizzlies sud sa overtime, 120-118, aron langkaton ang kampiyonato sa NBA Summer League kagahapong adlawa didto sa Thomas & Mack Center sa Las Vegas, Nevada.
Sa dihang nagtabla ang iskor, 118-118, si Larsson way kurat nga mipasud sa iyang 10-foot jumper atubangan ni Scotty Pippen Jr. aron ituboy ang Heat ngadto sa makapaisa'g balahibo nga kadaogan.
Si Larsson, nga gikuha sa Houston Rockets isip 44th overall pick sa 2024 NBA Draft sa wala pa gihatud ngadto sa Heat, mipasud og pito sa siyam niya ka itsa aron pagtapos og 16 puntos.
Si Josh Christopher miposa og unom ka tres sa iyang 24 puntos alang sa Heat hinungdan sa pagbayaw kaniyang Finals MVP. Dako sab og naambag si Kel'el Ware nga mipupo og 21 puntos ug 10 ka rebounds ingon man sila si Alondes Williams ug Cole Swider nga nagkumboya'g 39 puntos alang sa Heat.
Si Jake LaRavia maoy nangu sa Grizzlies uban ang 32 puntos.
Si Pippen, nga anak ni six-time NBA champion Scottie Pippen, midugang og 29 puntos ug 11 ka assists samtang si G.G. Jackson mikadlit og 28 puntos sa pilderong kawsa.