CEBU, Philippines — Ang bitoon sa Boston Celtics nga si Kristaps Porzingis dili makapakita'g aksiyon sa Paris Olympics sunod bulan.
Kini tungod kay gipili sa Latvian power forward ang magpa-opera sa na-angol niyang paa. Nahiaguman ni Porzingis ang maong injury atol sa Game 2 sa NBA Finals sayo nilang bulana.
"The injury doesn't allow for consistent play at the level required for Olympic competition. Surgery will be performed in the coming days, and further updates will be provided when available," sigun pa sa Celtics pinaagi sa usa ka opisyal nga pamahayag.
Sa wala pa mayayay sa NBA Finals, si Porzingis nakapalta nang daan og 38 ka adlaw tungod kay nagpa-alim sa angol sa tuo niyang bagtak. Wala siya makaduwa sa Game 3 ug 4 apan mibalik kadiyot sa Game 5 diin ang Celtics mipatikangkang sa Dallas Mavericks sa hingpit aron sakmiton ang makasaysayanon nilang ika-18 nga kampiyonato sa NBA.