Lakers mipalagpot ni coach Ham

CEBU, Philippines — Gitagak sa Los Angeles si Darvin Ham sa iyang puwesto isip head coach Lakers. Nahitabo kini upat ka adlaw pa lamang ang milabay sukad ang Lakers gipalagpot sa defending champion Denver Nuggets sa unang hugna sa NBA Western Conference playoffs. Si Ham miposte og 90-74 win-loss record sa duha ka tuig niyang pagkupot sa Lakers. Apan gi-sweep sila sa Nuggets sa West Finals sa miaging season.

Ning bag-ohay pa lamang, ang Lakers gipatikanglang sa Nuggets sud sa lima ka duwa sa ilang serye. "We greatly appreciate Darvin's efforts on behalf of the Lakers and recognize the many accomplishments achieved over the past two seasons, including last year's remarkable run to the Western Conference finals," matud pa ni Rob Pelinka, ang bise president sa basketball operations sa Lakers.

"While this was a difficult decision to make, it is the best course of action following a full review of the season. This organization will remain unwavering in its commitment to deliver championship-caliber basketball to Lakers fans around the world," dugang pa ni Pelinka. Gawas sa pagkuha og bag-ong coach, ang Lakers nag-atubang sab og way kaseguroan nga sitwasyon kabahin sa ugma ni superstar LeBron James uban kanila.

Ang four-time MVP dunay opsiyon nga mobiya sa iyang kontrata sa Lakers sunod season. Si James daan nang mipadayag nga gusto niyang moduwa sunod season uban sa iyang anak nga si Bronny, nga gikatakdang  moapil sa NBA Draft sunod bulan. Sa edad nga 39 anyos, si James usa gihapon ka lig-ong puwersa sud sa korte. Timaan niini ng average niyang 25.7 puntos, 8.3 assists, 7.3 rebounds, ug 1.3 steals matag duwa.