CEBU, Philippines — Si NBA superstar LeBron Lakers dili mopahawa sa poder sa Los Angeles Lakers. Mao kini ang gikompirmar sa ahente ni James nga si Rich Paul sa ESPN. "LeBron won't be traded, and we aren't asking to be," dason pa ni Paul. Ang four-time MVP mipirma og contract extension uban sa Lakers niadtong Agosto 2022.
Tungod niini, si James magpabilin sa Lakers hangtud sa 2024-25 season. Kana kon dili niya gamiton ang iyang player option sa pinal nga tuig sa maong kasabotan.
Ubos sa liderato ni James, ang Lakers ikasiyam karon sa Western Conference bitbit ang 25-25 rekord.
Si James, nga anaa karon sa ika-21 niyang tuig sa liga diin siya nakadaog og upat ka kampiyonato sul-ot ang uniporme sa Lakers, Miami Heat ug Cleveland Cavaliers, mi-average og 24.9 puntos, 7.7 assists ug 7.5 rebounds sud sa 44 ka duwa ning season.