CEBU, Philippines — Si Donovan Mitchell miduslit og kahayag sa Paris human siya mipaulbo og 45 puntos aron pangulohan ang Cleveland Cavaliers ngadto sa 111-102 nga kadaogan batok Brooklyn Nets sa pagbalik sa NBA didto sa France kagahapong adlawa.
Ang four-time NBA All-Star, nga midugang og unom ka assists ug upat ka steals, nagkanayon nga ganahan kaayo siya sa iyang kasinatian didto sa Paris ug gusto kini niyang usbon sa umaabot nga Olympic Games.
"Definitely I'd love to come back and play in the Olympics," matud pa ni Mitchell. "This is a very electric basketball city. Just being able to see this experience, to be a part of it and do it with the NBA, do it with my teammates -- incredible."
"I've had a lot of fun and I'm glad we got the win as well," dugang pa ni Mitchell.
Sa iyang bahin, si Cavs coach J.B. Bickerstaff midayeg og maayo ni Mitchell tungod sa paghatag niini og kadasig sa iyang mga kauban sa puno sa enerhiya niyang dinuwaan.
"I thought Donovan was phenomenal at giving the audience and us what they came to see and what we needed to win the game," dason pa ni Bickerstaff.
Sila si Mikal Bridges ug Cam Thomas mi-iskor og 26 puntos matag usa apan nakawang ang ilang paningkamot alang sa Nets. Emmanuel B. Villaruel
Anaa sab sa team sila si Kevin Quiambao, Francis Escandor, JD Cagulangan, Allen Liwag, Tony Ynot, Justine Sanchez, Justine Baltazar ug Jordan Heading.