Marcial mobalik para sa Paris Olympics

CEBU, Philippines —  Gipadayag ni Filipino boxer Tokyo bronze medallist Eumir Felix Marcial nga paninguhaon niya nga makuha para sa Pilipinas ang bulawang medalya sa Paris Olympics ning higayona.

“Based on our many conversations, and the last was two weeks ago, he has committed to joining us in the Asian Games and pursue winning the Olympic gold,” matud pang Association of Boxing Alliances in the Philippines secretary-general Marcus Manalo atol sa PSA Forum Rizal Memorial Sports Complex kagahapon.

Apan gibutyag ni Manalo nga makaapil lang sa praktis si Marcial sa naghinapos na nga bahin sa training camp sa mga boksidor sa Pilipinas ini og mahuman ang iyang sangka didto sa Hangzhou sa China karong Agusto.

Ang national boxing team gikatakdang molarga sa India ug sa Australia alang sa ilang training camp didto.

Nalakip sa Philippine team ang mga karaang medallist sama nila ni Tokyo silver winners Nesthy Petecio ug Carlo Paalam kinsa moadto pa sa  Patiala, India sugod Hulyo 28 hangtud Agusto 6 ug ngadto na sab sa Inspire Institute sa Karnataka, India gikan Agusto 6 hangtud sa 20.

Mobalik sila sa Manila ug paglabay sa napulo k adlaw molarga na sab pangadto sa Canberra, Australia alang sa dugang trainings.

Ang Pilipinas dunay giandam nga 11 ka boxers para sa kompetisyon apil na silang Tokyo Olympian Irish Magno, Aira Villegas, Ian Clark Bautista, Rogen Ladon, Ronald Chavez, Jr., Mark Ashley Fajardo ug John Marvin.

Si Marcial nagtinguha nga makaabot sa finals aron makasud sa qualifications sa Paris Olympics, samtang ang mga babayeng boxers kinahanglan lang makasulod sa top 4. Ang ABAP daan ng nanaad nga makakuha ang boxing team sa Pilipinas og Olympic gold sa maong sport.

Nasayran nga sayo ning tuiga mipadayag ang kampo ni Marcial nga kataposan na niyang duwa ang Tokyo Olympics, apan ning bag-o, nausab ang hunahuna niini ug nipadayag sa gusto niyang makadala og bulawang medalya para sa Pilipinas gikan didto sa Paris. — Gikan as Philboxing.com, IBM