CEBU, Philippines — Ang mga Sugbuanon makasaksi og laing kulbahinam nga aksiyon sa korte gumikan kay ang Mav's.
Phenomenal ug ang Consolacion Sarok Weavers mag-abot sa usa ka basketball exhibition match
nga kabahin sa Northball Cebu Tour X Dayo Series nga gikatakda sa alas-8 sa gabii karong
Sabado, Disiembre 17, didto sa Don Celestino Martinez Sports Complex sa dakbayan sa Bogo
City amihanang bahin sa Sugbo.
Iparada sa Mav's Pheno mao gihapon sila si Erricson “The Reaper” Gabay, Poypoy Actub,
Mavrik Bautista, Richard Velchez, Nem de la Cruz, ug Joshua Roque nga seguradong molingaw
na sab sa mga manan-aw.
Ilang banggaon ang Sarok Weavers ni coach Paul Alelu Flores nga mikulit og duha ka sunod-
sunod nga kasaysayan isip labing unang
Aspirants Division champion ug ingon man Visayas chamion sa Pilipinas Super League (PSL)
Under 21 tournament ning tuiga.
Ang mga MVP sa PSL nga sila si Gyle Patrick Montaño, Matthew Earl Flores, ug Rojan
Montemayor maoy mangu sa Sarok Weavers nga naglangkob sab nilang Paulo Dalumpines, Rovello
Robles, Keaton Taburnal, Serg Alburo, Godfrey Sabanal, Ali Yap, Matt Cañares, Kin Dayday, ug Wesley Malazarte.
Ilang makauban sila si Tino Martinez, JC Escalona, Russel Moneva, Patrick Yu, Philip
Tolingin, ug Jray Casinillo.Sa dili pa magsangka ang Mav's Pheno ug Sarok Weavers, adunay
duha ka duwa nga nakalinya. Ang CRMC Eagles makigharong batok sa Bogo City Bogoys sa alas-4
sa hapon samtang ang Bogo City LGU makigtige sa V-Drink squad nga pagabidahan nilang Beau
Belga, Marco Alcaraz ug sa team owner niining si John Cabahug.
"I just wanted to give an early Christmas present to my hometown of Bogo City and
neighboring municipalities since an event this big hasn't been done here for more than 10
years already," matud pa ni basketball patron Marc Malazarte, nga maoy usa sa nagpasiugda
sa maong kalihukan. "And with the help of sir Arjie Lacno of Northball and mayor Carlo
Martinez, our dream of bringing an event this big again in our city has become a reality."
Ang mga tickets nagkantidad og P100 sa general admission, P450 sa lower box, ug P1,500 sa