CEBU, Philippines — Ang way pildeng University of the Visayas (UV) Green Lancers mosuway pag-inat sa mainit nilang ratsada sa dihang ablihan nila ang ilang kampanya sa ikaduhang hugna batok sa University of San Carlos (USC) Warriors sa 2022 Cebu Schools Athletic Foundation, Inc. (CESAFI) men's basketball tournament karong adlawa sa Cebu Coliseum.
Gisaytan sa Lancers ang ikaunom nilang sagunson nga daog sa dihang ilang harongon ang Warriors sa alas 6:45 s agabii. Buot sab nga usban sa UV ang USC nga ilang gilampaso pinaagi sa 91-64 nga desisyon niadtong Oktubre 16.
Samtang ang Warriors naglaraw nga makabangon gikan sa duha ka sunod-sunod nga pagkadagma. Natagak sila sa 2-4 human makatilaw og 68-77 nga kapildihan sa mga kamot sa University of Southern Philippines Foundation (USPF) Panthers niadtong Nobiyembre 5. Sa dili pa magbangga ang UV ug USC, ang USC Baby Warriors makigpinaksitay sa Cebu Institute of Technology-University (CIT-U) Baby Wildcats sa pasiunang duwa sa alas 5:15 sa hapon.