CEBU, Philippines — Sila si Eleanor Hayco ug Anselmo Estillore, Jr. mikuha og atensiyon sa dihang ang Dancesport Team Cebu City mipupo og unom ka gold medals sa 5th KLDSA Malaysian Open Dancesport Championship nga gipahigayon niadtong Sabado, Oktubre 8, didto sa Tan Sri Hamza Arena, Wisma OCM sa Kuala Kumpur.
Sila si Hayco ug Estillore mikabkab og upat ka bulawang medalya alang sa Dancesport TCC human sila milugwa nga kampiyon sa chachacha, rumba, ug jive events sa senior single dance, ug ingon man sa senior 3 dance.
Sila si Hanae More ug Elmer Fernando midugang og duha ka golds human nanghawod sa slow waltz ug tango sa senior single dance.
Sila si More ug Fernando naka-silver sab sa senior 3 dance.
Samtang sila si Alvilon Arriesgado ug Malvin Jamali mitunol og laing silver sa Dancesport TCC human mitapos sa ikaduhang dapit sa amateur open ballroom standard.