Prayboys kampiyon sa Amicis caging

CEBU, Philippines — Ang Prayboys mipakaging sa Artera, 111-102, sa tinagakay nilang final match aron langkaton ang 30-above division title sa Amicis Basketball League (ABL) Season 2 didto sa Consolacion, Cebu.

Si Welmer Paloma mirapido og 21 puntos alang sa Prayboys hinungdan sa pagbayaw kaniyang Finals MVP. Na-triple ang selebrasyon ni Paloma kay sa sayo pa siya man sab maoy gipasidunggan nga season MVP.

Giduyogan si Paloma sa Mythical Five sa iyang teammate nga si Shad Lucas Dugenio, Romar Ponce ug Arnold Quilaton of Artera, ug Cocoy Padin sa Titans. Sila si Dugenio ug Rojard Varga miamot og 14 puntos matag usa alang Prayboys, nga kontrolado kaayo ang duwa sukad sila misutoy ngadto sa 55-44 nga bentaha sa halftime.

Misamot pa ang kainit sa Prayboys sa ikatulong kuwarter diin ila na sab nga giwani ang ang Artera, 34-25, aron inaton ang ilang labaw ngadto sa 20 puntos, 89-69. Ang Prayboys milahos na dayon ngadto sa nuybe puntos nga kadaogan nga naghatud kanila og P20,000 nga ganti. Sila si Rechie Cesa ug Warren Canete nagkumbinar og 33 puntos samtang si Ponce mitali og 14 puntos sa Artera, nga mikubra og P10,000 sa ilang pagpahiluna sa ikaduhang dapit.