Spit on Them 4-0 na
CEBU, Philippines — Ang Spit on Them nakaipsot sa Space Jam, 38-36, aron pagpabiling way pilde sa Sunday Night Hoops didto sa City Sports Club-Cebu gym.
Si Jacon Brian Makawili mitapos uban ang 10 puntos, unom ka rebounds ug tulo ka assists alang sa ikaupat nga sagunson nga daog sa Spit on Them.
Sa laing bahin, ang Parkoya Ni Edgar mipatilaw sa Labangon Reapers sa una niining pilde pinaagi sa 51-33 nga demolisyon.
Si Dennis Ian Carl de la Cerna mitali og 17 puntos, pito ka rebounds ug unom ka assists alang sa Parokya Ni Edgar nga nagkupot na karon og 3-1 nga baraha.
Sa ubang mga duwa, ang Castille mipahilom sa White Wolves, 66-59, samtang ang Fast Brake mibuntog sa CP Construction, 70-67.
Si Jannold Flores mihipos og 21 puntos, lima ka rebounds ug tulo ka assists sa dihang gitabla sa Castille ang ilang record ngadto saa 2-2 samtang si Richmond Tabasa mipupo og 22 puntos, unom ka rebounds ug duha ka steals alang sa Fast Brake nga mi-angkon sa ikaduha nilang daog sud sa tulo ka duwa.
- Latest
