CEBU, Philippines — Ang Orlando Magic nihimo og usa ka dakong surprisa human ilang gikuha si Paolo Banchero isip No.1 overall pick sa 2022 NBA Draft kagahapon didto sa Barclays Center sa Brooklyn, New York.
Ang 19-anyos nga si Banchero mi-average og 17.2 puntos matag duwa sa miaging season uban sa Duke University.
Wala damha sa kadaghanan ang maong lakang sa Magic gumikan kay sila man si Jabari Smith Jr. ug Chet Holmgren ang sayong gipaboran nga mamahimong top picks.
Mismo ang 6'10" nga si Banchero nasuprisa sa dihang unang gitawag ang iyang pangan ni NBA commissioner Adam Silver.
"I really don't know what to say," dason pa ni Banchero. "I can't believe what just happened. Honestly."
Si Holmgren gilabni nga No.2 pick sa Oklahoma City Thunder samtang si Smith ang No.3 pick sa Houston Rockets.