Coach Vogel gipalagpot sa Lakers
CEBU, Philippines — Gipapahawa sa Los Angeles Lakers ang head coach nilang si Frank Vogel luyo sa rason nga kinahanglan nilang mag-usab og liderato human sa makapakurat nilang kapakyasan pagsud sa NBA playoffs.
Mismo si Lakers general manager Rob Pelinka ang mikompira sa ilang pagpalagpot ni Vogel sa usa ka opisyal nga pamahayag.
"This is an incredibly difficult decision to make, but one we feel is necessary at this point," matud pa ni Pelinka.
Ang spekulasyon nga tagakon sa Lakers si Vogel miulbo nang daan human sa katapusan nilang duwa sa regular season niadtong Lunes.
"When you have disappointment you need to take ownership of that and make adjustments to be better," dason pa ni Pelinka.
Si Vogel maoy migiya sa Lakers ngadto sa ika-17 nilang kampiyonato niadtong 2020 season.
Apan makapadismaya ang salida sa Lakers ning season diin sila mitapos sa ika-11 nga dapit sa Western Conference uban ang 33-49 win-loss record hinungdan nga napakyas sila pagtaak sa playoffs.
Kini bisan pa man sa presensiya sa tulo ka superstars sa Lakers nga sila si LeBron James, Anthony Davis, ug Russell Westbrook.
Sa iyang bahin, si James nagkanayon nga wala siya'y lain sa iyang dughan kondili respeto ngadto ni Vogel.
"I respect Frank as a coach, as a man," matud pa ni James, nga wala maka-abante sa playoffs sa ikaupat pa lamang nga higayon sukad siya misud sa NBA niadtong 2003. " "I don't know what's going to happen, but I've got nothing but respect for him."
Nagparamdam hinoon si James nga buot niyang magpabilin sa Lakers ug hatagan ang team og daghan pang titulo.
"I came here to win a championship. And I want to win more. So I accomplished what I wanted to accomplish, but I'm still hungry for more," dugang pa ni James. "I'm confident that this organization wants the same."
- Latest
