Ingles nasakitan human gi-trade sa Jazz
CEBU, Philippines — Gi-trade sa Utah si Joe Ingles ngadto sa Portland Trail Blazers, usa ka lakang nga nakabuak sa dughan sa Australyanong forward human sa dul-an walo ka tuig niya uban sa Jazz.
"Today hurts," suwat pa ni Ingles sa iyang Twitter human nakompirma ang pagbinayloay og players nga naglangkob og tulo ka teams.
"I knew it was a possibility but didn't want to believe it, we have been lucky to call this place home for 8 years. I got a lot more to say, but I'm going to have a beer & relax with some good friends," dugang pa ni Ingles.
Sigun sa nasabotan sa hintungdan nga mga koponan, si Ingles motapon sa Portland ug ang Jazz makadawat nilang Trail Blazers guard Nickeil Alexander-Walker ug San Antonio Spurs forward Juancho Hernangomez.
Samtang makuha sa Spurs si Portland guard Tomas Satoransky ug ang umaabot nga second-round draft pick sa Jazz.
Ang 34-anyos nga Ingles, nga mitabang sa Australia pagpugnit og bronze medal sa 2020 Tokyo Olympics sa miaging tuig, dili na makaduwa pa sa nahibiling bahin ning NBA season kay dunay angol sa wala niining tuhod.
- Latest
