Stamps ni Jawo gihulma sa PHLPost

CEBU, Philippines — Pormal nang gipakita sa Philippine Postal Corporation (PHLPost) sa publiko ang mga commemorative stamps agig pasidungog sa tinamod nga "living legend" sa Philippine basketball nga si kanhi senador Robert "Sonny" Jaworksi, Sr.

Kabahin kini sa ika-75 nga aniversaryo sukad nahulma ang labing unang stamp sa nasud niadtong 1946 diin napatik ang inagurasyon sa republika sa Pilipinas.

Mapalit ang mga stamps ni Jawo sugod karong bulawan.

Wala hinoon makatambong si Jawo sa seremonyas niadtong Biyernes gumikan kay aduna kini gihambin sa iyang panglawas. Nasayran nga ang kanhi Ginebra superstar dunay talagsaong sakit sa dugo nga hangtud karon nakapalibog sa mga doktor ug batid kon unsay hinungdan niini.

Ang anak niyang si Dodot maoy mirepresenta kaniya.

Giawhag ni Dodot ang mga Pinoy ilabi na kadtong mga diehard fans ni Jawo sa pagpadayon og pag-ampo alang sa dali nga kaayuhan sa iyang amahan nga dili maayo ang kahimtang sa kasamtangan.