CEBU, Philippines — Ang labing unang Hinulawan Festival 3 on 3 and Kiddies Chess Tournament mosikad na karong adlawa ubos sa istriktong patakaran sa panglawas ug kaluwasan didto sa dakbayan sa Toledo.
Sa 3 on 3 kon Tatluhan category, matag team kinahanglan nga dunay average rating nga 2050 sigun sa labing uwahing FIDE ratings, sakmtang ang kiddies division abili sa mga magduduwa nga nag-edad og 12 anyos paubnos.
Ang champion team sa 3 on 3 mobulsa og P20,000 samtang ang mopahiluna sa ikaduha ngadto sa ikalimang dapit makadawat og P15,000, P10,000, P7,000, ug P5,000. Ang 6th ngadfto sa 10th dunay P2,000 matag usa. Duna say P4,000 nga insentibo ang top lady ug Under 18 teams samtang ang top three board medalists makadawat og P1,500 nga bonus.
Sa laing bahin, ang kiddies champion mokabi og P5,000 samtang ang malandig sa ikaduha ngadto sa ikalimang puwesto dunay P3,000, P2,000 and P1,000 ug P500. Ang 6th to 10th mobitbit og konsolasyon nga P300 samtang ang top lady performer mokubra og P2,000.
Libre ang rehistrasyon ning duha ka adlaw nga torneyo nga gipaluyohan sa Toledo LGU ubos sa liderato ni mayor Joie Perales.