Eugene Torre ibayaw sa World Chess Hall of Fame
CEBU, Philippines — Ang unang chess grandmaster (GM) sa Asya nga si Eugene Torre ang ibayaw ngadto sa World Chess of Hall of Fame. Ang Pinoy nga si Torre mao sab unang lalaki sa Asya nga nahimong world chess hall of famer. Ikauban ni Torre ang Argentine GM nga si Miguel Najdorf ug GM Judit Polgar sa Hungary. Si Torre makig-uban sa linya sa laing world hall of famers sama nilang Alexander Alekhine, Bobby Fischer ug Xie Jun, ang unang babaye sa Asya nga nakampiyon sa tibuok kalibotan.
Rookie sa Wizards nabalian og tiil
Ang rookie forward sa Washington Wizards nga si Deni Avdija dili makaduwa sa nahabiling season human nabali ang iyang tuong bitiis. Dili hinuon kinahanglang operahan ang 20-anyos nga si Avdija ug gilauman makarekober kini sud sa tulo ka bulan. Si Avdija, ang first-round draft pick ug ninth overall miaging tuig nga NBA draft nag-average og 6.3 points ug 4.9 rebounds.