CEBU, Philippines — Bisan nag-edad na og 48-anyos ang 11th-time world titlist ug six-weight world champion nga si Oscar De La Hoya mikompisal nga mokatkat siya og balik sa ring karong Hulyo 3 batok sa usa ka inila nga UFC star.
Gipahibalo kini ni De La Hoya dihang mitunga kini niadtong Sabado sa gabii sa Triller event pag-promote sa umaabot nga away tali ni YouTuber Jake Paul ug MMA star Ben Askren sunod bulan.
Nahaylo si De La Hoya nga mobalik og away human si Mike Tyson mihimo og ring comeback batok ni Roy Jones Jr. niadtong Nobiyembre sa miaging tuig. Ang pound-for-pound great nga si De La Hoya nga maoy nitukod sa Golden Boy Promotions niadtong 2002, wala na makaaway sukad sa iyang kapildihan pinaagi sa technical knockout ngadto ni Manny Pacquiao niadtong Disyembre 2008.