CEBU, Philippines — Wala mag-usik og panahon ang Terrafirma Dyip ug ila dayon nga gipapirma og tulo ka tuig nga kontrata ang higanteng rookie nga si James Laput.
Ang Terrafirma mikuha sa Fil-Aussie nga si Laput isip No. 8 overall pick sa 2021 PBA Rookie Draft niadtong Domingo.
Gihimo ang pagpinirmahay didto sa ulohang buhatan aa team sa Makati sa presensiya ni team governor Bobby Rosales ug PJ Pilares, ang handler ni Laput.
Gikompirmar sab ni Rosales sa ESPN5, nga nakig-negosasyon sila karon ni Joshua Munzon, kinsa maoy nilugwa isip No. 1 overall pick sa PBA niadtong weekend.