CEBU, Philippines — Adunay hugon-hugon nga ang Houston Rockets makigbulag og dalan uban sa sentro niining si DeMarcus Cousins sunod semana.
Gikataho nga ang Rockets nagplano nga mogamit og gamay nga line-up human nibalik si Christian Wood gikan sa ankle injury.
Si Cousins maoy leading rebounder nga adunay 7.6 matag duwa og mo-average og 9.6 puntos sa 25 ka mga duwa.
Ang 30-anyos nga si Cousins ni-average og 20 puntos sud sa lima ka sunod-sunod nga season samtang nagduwa pa kini sa Sacramento Kings ug sa New Orleans Pelicans.
Apan nahiagom siya og torn Achilles niadtong Enero 2018 atol sa usa ka season uban sa Pelicans ug wala na mabaliki sa iyang porma. Nakaangkon sab siya og torn quadriceps atol sa 2019 playoffs uban sa nagkagidlay nga Golden State Warriors.