Embiid miiskor og career-high 50 puntos
CEBU, Philippines — Ang All-Star nga si Joel Embiid miiskor og career-high 50 puntos aron pangulohan ang Philadelphia 76ers ngadto sa 112--105 nga kadaogan batok sa Chicago Bulls sa NBA kagahapon didto sa Philadelphia.
Mihimo sab si Embiid og 17 ka rebounds, lima ka assists, upat ka blocks ug duha ka steals sa dominante niyang nga duwa.
Si Tobias Harris mikadlit og 22 puntos ug 12 ka rebounds alang sa 76ers nga pabiling nagtungtong sa unang dapit sa Eastern Conference standing.
Mikabkab og 30 puntos Zach LaVine aron pangulohan ang napildeng Bulls.
Sa lain pang mga aksiyon, ang Boston Celtics mibuntog sa Atlanta Hawks, 121-109, gipilde sab sa Memphis Grizzlies ang Detroit Pistons, 109-95, ang Milwaukee Bucks mipahilom sa Oklahoma City Thunder, 98-85.
Gilat-an sa Phoenix Suns ang New Orleans Pelicans, 132-114- ug ang Toronto Raptors nidaog lang og singko puntos batok sa Minnesota Timberwolves sa iskor nga 86-81.
- Latest
