Araneta moaway na sab og IBF eliminator

CEBU, Philippines — Ang pambato sa Omega Gym nga si Christian "The Bomb" Araneta gikatakda nga moaway na sab sa usa ka IBF elimination bout. Si Omega Sports Promotions International (OSPI) Vice President Jerome Calatrava nagkanayon nga ang IBF light flyweight title eliminator tali nilang Araneta (19-1, 15KOs) ug sa wa'y pildeng South African knockout artist nga si Sivenathi "Special One" Nontshinga (9-0, 9KOs) hapit na mapinalisar ug duna na lang sila karo'y mga detalye nga gihan-ay aron mapirmahan na ang kontrata.    

Ang sangka tentatibong gikatakda karong Abril 25 sa wala pa hisayring binyu didto sa South Africa. Ang modaog makaangkon og katungod nga mohagit ni IBF light flyweight champion Felix Alvarado (36-2, 31KOs) sa Nicaragua.