CEBU, Philippines — Ang higanteng si Raymar Jose mipirma og lab-as nga kontrata uban sa Meralco niadtong Lunes nga maoy kinalasan nga magduduwa nga moduwa og balik Bolts sa PBA 46th season nga gikatakdang sugdan karong Abril.
Gikuha isip No. 3 overall sa Blackwater Elite sa 2017 draft, si Jose nipirma sa kontrata sa presensiya ni team manager Paolo Trillo ug representante nga si Ed Ponceja.
Iyang lugway nga kontrata nahimo human ang prangkisa nibag-o sa linain nga kasabotan sa bigmen nga silang Reynel Hugnatan, Noy Baclao ug Jammer Jamito.
Ang 28-anyos nga si Jose kabahin sa Bolts sa Philippine Cup bubble diin ang team makasud unta sa finals sa Philippine Cup sa unang higayon kon ila pang napalagpot ang Barangay Ginebra Kings sa tagakay nga Game-5 sa ilang semifinals series. Si Jose, kinsa nidaog sa UAAP men's basketball championship uban sa Far Eastern University niadtong 2015, ni-average og 2.4 points ug 2.8 rebounds sa Clark bubble.