CEBU, Philippines — Mibiya na kagahapon si Sanman boxer Jayson Mama (15-0, 8KOs) uban sa iyang head trainer Ronerex Dalut paingon sa South Africa alang sa labing dako nga away sa iyang karera.
Gihatagan og higayon si Mama (15-0, 8KOs) nga mohagit ni South African world champion Moruti Mthalane (39-2, 26KOs) alang sa IBF flyweight title karong Disyembre 20 didto sa KwaZulu-Natal, South Africa.
Ang beteranong kampiyon nga si Mthalane mipilde nilang Johnriel Casimero, Zolani Tete, Akira Yaegashi ug Julio Cesar Miranda, nga pulos world champions.
Pabor si Mthalane kon kasinatian ang hisgutan, apan dili sab angay nga kompiyansaan ang batan-ong challenger nga uhaw sab og daog.
“I can’t wait to step in the ring with a great champion like Mthalane. It will be an honor to fight for a world title and represent my country. This is it, my greatest moment. I trained so hard for this and will not let this opportunity slip away. Please pray for my success. I have done my part in the gym. I know God will do the rest,” batbat ni Mama.