NM Ganzon naghari sa Alex Chua Super Blitz 7
CEBU, Philippines — Ang Sugboanong National Master nga si Rommel Ganzon maoy naghari sa ikapitong edisyon sa senemanang Alex Chua Super Blitz online tournament nga giorganisar sa Cebu Executives and Professionals Chess Association (CEPCA).
Si Ganzon nga mao pa lamang ang ikaduhang Sugboanon nga nakampiyon sunod ni NM Merben Roque, miposte sa labing taas nga 12.0 puntos aron sakmiton ang titulo sa 15 ka hugna nga kompetisyon nga gipaluyohan nilang US-based Cepcans Engr. Alex Chua Engr. Jojo Dondon.
Nagsolo sa ikaduhang dapit si NM Gerardo Cabellon sa Laguna uban ang 11.5 puntos.
Si NM Edsel Montoya, Bryle Arellano, Ted Ian Motoyo ug Jerome Villanueva maoy miokupar sa ikatulo ngadto sa ikaunom nga puwesto bitbit ang 11.0 puntos matag usa.
Sa laing bahin, sila si NM Jasper Rom, NM Elwin Retanal ug Allan Salientes maoy mga top Cebuano finishers.
Ang uban pang top performers mao sila si NM Enriquez ug Peterson Sia sa Cepcans A, Nicanor Cuizon ug Engr. Eladio Lim III sa Cepcans B ug Sheila Khan Sepanton sa female division.
- Latest
