NBA players positibo sa virus nagkadaghan

CEBU, Philippines — Daw gisungog ang NBA sa plano niining pagtiwas sa nahunong nilang season sunod bulan gumikan kay nagkadaghan man ang players nga nagpositibo sa Covid-19. Ang labing uwahing nataptan sa maong gikahadlokang sakit mao sila si Indiana Pacers guard Malcolm Brogdon ug Sacramento Kings forward Jabari Parker.

Nagkanayon sila si Parker ug Brogdon nga kasamtangan karon silang nag-kwarantin ug maayo ra ang ilang paminaw.

Bisan pa man sa nahitabo kanila, sila si Parker ug Brogdon mipasalig nga andam silang moduwa sa pagbalik sa aksiyon sa liga karong Hulyo 30 didto sa Disney World sports complex sa Orlando, Florida.

Ang teammate ni Parker nga si Buddy Hield nagpositibo sab sa virus, apan mohatag pa sa iyang komento kon moduwa pa ba siya o dili na sa nahibiling bahin sa season.

Sa miaging adlaw, si Denver Nuggets All-Star center big man Nikola Jokic mipahibawo nga nagigo sab siya sa coronavirus         

Samtang lain pang wala nganli nga unom ka players sa Phoenix Suns ug wala mailhi nga team sa Western Conference napositibo sab ang resulta sa miaging semana.