Adios, Dennis Delgado
CEBU, Philippines — Nagbangutan karon ang kalibotan sa Cebu sports gumikan sa pagpanaw sa tinahod nga bodybuilding patron nga si Dennis Delgado tungod sa Covid-19 sa edad nga 60-anyos niadtong Hulyo 14.
Sa mga tawo, kansang kinabuhi iyang natandog, gilantaw siya nga usa ka tinubdan sa inspirasyon ug suga nga nagadan-ag sa ilang dalan.
Dunay sa'y nagtamod kaniya isip higala, igsuon ug amahan nga naggiya kanila sa maayong direksyon.
"I can't believe that you are gone coach. You have been a great foundation when I started bodybuilding back in 1991. You are someone who have produced and inspired many bodybuilding athletes. You are like a father to us, a friend and a coach!" suwat pa ni 2009 Mr. Philippines Pancho Ramirez Jr. sa iyang Facebook agi'g paghinumdum sa banggiitan niyang magtutudlo.
"My good friend, a brother and a father figure, we will surely miss you. A sad loss to the fitness people in Cebu," paambit pa ni Dr. Spencer Lee, kansang karera sa bodybuilding na-impluwensyahan ni Delgado.
Apil sa mga nakab-ot ni Delgado mao ang iyang kakugi ug dedikasyon sa bodybuilding pinaagi sa pagpasiugda og dili na maihap nga lokal, nasudnon ug internasyonal nga mga kompestisyon.
"I saw how he put into action his dreams of uplifting the fitness industry in Cebu," matud pa ni Nimrod NL Quiñones, kanhi sports editor sa The Freeman nga general manager na karon sa Alta Vista Golf and Country Club.
"His passing is a big loss not only to his family and friends, but also to the fitness industry as it lost a champion, who always gave his 100% to bring big competitions to Cebu. Rest in peace, Pare Dennis."
Si Delgado sab maoy nagtukod sa labing karaan nga fitness gym dinhi sa Sugbo, ang Cebu Workout Fitness Center nga nahimong galingan sa mga world-class ug kampiyon nga mga Sugbuanong bodybuilders.
Karon nga wala na ang pinagga nilang amahan, ang mga anak ni Delgado nga sila si Nicey ug Dennis Nichol buot nga ipadayon ang pagpadagan sa ilang gym ug uban pa niyang mga gibuhat aron magpabilin ang iyang legasiya.
- Latest
