CEBU, Philippines — Nindot kaayo ang pagrekober sa Sugboanong PBA superstar nga si June Mar Fajardo gikan sa injury nga iyang nahiaguman upat ka bulan na ang milabay.
Sukwahi sa nakita sa kadaghanan nga si Fajardo nag-scooter samtang nidawat sa ikaunom niyang MVP award atol sa PBA Leo Awards niadtong Marso 8, si Fajardo makalakaw na sa iyahang kaugalingon. Kini kay gipahimuslan og maayo sa garbo sa lungsod sa Pinamungajan ang sitwaston nga mabalik ang kapiskay sa iyang panglawas. "OK naman, so far maganda naman `yung healing," matud pa pa ni Fajardo segun sa taho sa PBA.ph. "Ngayon nakakalakad na ako, kaya sana tuluy-tuloy na."
Hinuon si Fajardo dili pa gyud makaduwa ning season, apan ang panghitabo daw sa nipabor kaniya kay wala pa'y klaro kon mabalik pa ba ang aksiyon ning PBA Season 45 gumikan sa krisis.
Mao sab kini ang panahom ni San Miguel Beermen coach Leo Austria, kinsa nagtuo nga si Fajardo mas labing maayong mobalik unya na sa sunod season. "Makikita naman natin na yung improvement niya is right on track. But I think next season na siya talaga makakalaro dahil 10-12 months ang binigay sa kanyang rest time bago siya makabalik sa dati niyang health," kanayon pa ni Austria.