Coach ni Fury masaligon
CEBU, Philippines — Ang coach ni WBC heavyweight champion Tyson Fury nga si Andy Lee masaligon nga ang iyang boksidor dunay igong kapasidad nga bughaon si Anthony Joshua.
Matud pa ni Lee nga sama sa gibuhat ni Fury sa pag-ilog niini sa bakus ni Deontay Wilder, mao sab ang mahitabo kang Joshua nga nakapanag-iya karon og upat ka heavyweight titles sa WBO, IBF, WBA ug IBO. "I still think it's a great fight and a great match-up and it's the only real match-up in the heavyweight division left for both guys, but I think Tyson wins in a similar fashion to what he did to Wilder," pasiatab pa ni Lee.
Si Fury obligado nga makigharong og usab ni Wilder, apan ning higayon iya nang gisaytan daan si Joshua.
Sa pangagpas ni Lee, palukapahon ni Fury si Joshua sud sa walo ka hugna kon ugaling mag-abot ang duha ka higanteng boksidor ibabaw sa ring ugma damlag.
- Latest
