Fury moaway hangtod 40-anyos
CEBU, Philippines — Gitug-an ni WBC heavyweight champion Tyson Fury nga dili pa siya moretiro human sa dugang duha pa ka away niini gumikan kay plano niyang mokumbati ibabaw sa ring hangtod sa edad nga 40-anyos.
"I'm going to fight on 'til I'm 40 years old," matud pa sa 31-anyos nga si Fury segun sa taho sa ESPN. "I've been thinking about it, and there isn't much else to do anyways."
Usa kini ka pagbalitok sa nahaunang pamahayag ni Fury, kinsa miingon niadtong Marso nga talisaop na ang iyang karera.
Sa kasamtangan, si Fury ug ang iyang kampo nakig-negosasyon aron sangkaon si Anthony Joshua didto sa Middle East kon ugaling mabalik na sa normal ang sitwasyon.
Hinuon, si Fury (30-0-1, 21KOs) duna pa'y obligasyon nga makigharong ni Deontay Wilder sa ikatulong higayon sa sunod niyang away nga tentatibong gisibog gumikan sa coronavirus pandemic.
- Latest
