Fajardo, Kim Chiu miabag kawsa ni Rondina
CEBU, Philippines — Ang garbong basketbolista sa mga Sugboanon nga si June Mar Fajardo midonar sa iyang jersey aron abagan ang kampanya sa katagilungsod niyang si Sisi Rondina.
Sa miaging semana, si Rondina mi-auction sa iyang mga jersey sa tinguha nga makakuha og pundo alang sa mga COVID-19 frontliners dinhi sa Sugbo.
Nindot kaayo ang gihimo sa six-time MVP ngadto sa kanhi UAAP volleyball MVP.
Ang nag-unang benepisaryo sa kawang-gawa ni Rondina mao ang mga frontliners nga anaa madestino sa Sitio Zapatera, Barangay Luz ning Dakbayan sa Sugbo gumikan sa kadaghan sa kaso niini sa COVID-19.
Ang sikat kaayong No.15 jersey sa San Miguel Beermen superstar i-auction karong weekend. Magsugod ang bidding sa kantidad nga P1,500 hangtod lamang karong adlawa.
Sa iyang bahin, ang aktres nga si Kim Chiu nga usa sab ka Sugboanon, mitabang sab sa kawsa ni Rondina pinaagi sa pagdonar sa No.16 jersey nga iyang gisul-ot niadtong Star Magic All-Star Game.
- Latest
