Coach Mike dili kabuot ni imperial

CEBU, Philippines — Mikompisal si Southwestern University (SWU)-Phinma Cobras head coach Mike Reyes  nga wala siya'y laing gusto kondili ang kaayohan sa pambato niyang player nga si Sir Shaquille Imperial.

Giluwatan ni Reyes kining maong pamahayag human masayod nga si Imperial naglantaw karon sa iyang mga opsiyon kabahin sa ugma sa iyang karera sa basketbol.

Si Imperial, ang bida  sa Cobras nga mibuntog sa three-time defending champions University of the Visayas (UV) Green Lancers sa miaging season sa Cebu Schools Athletic Foundation, Inc., wala pa makadesidir hangtod karon kon asa moduwa sa katapusan niyang tuig sa CESAFI.

Nailhan gumikan sa hait niyang tinirahan ug kahanas pagdala sa bola, si Imperial maoy gibayaw nga MVP gumikan sa dako niyang papel sa pagtukob sa Cobras sa labing una niining titulo sud sa lima ka tuig.

Matud pa ni Reyes nga wala pa sila'y final nga desisyon, apan iyang gitugyan ang tanan ngadto sa iyang All-Star guard.

"Wala pa kami final na pinag-usapan. I told him siya lang mag-decide kung maglaro pa siya or not. I will not force him to stay for another year. Kung may offers siya, i-consider na niya," matud pang Reyes.

Dugang ni Reyes nga kon ugaling duna na'y makab-ot nga desisyon si Imperial, ilang seguruon nga alang kini sa labing maayong interes sa ugma sa iyang karera. "Like what I said, siya mag-decide. I explained to him if he is not yet ready for the next stage, he will have a short career. What wewant is magdugay siya either sa PBA or MPBL," panapos pa ni Reyes.