Canelo-Golovkin III kasado na

CEBU, Philippines — Kompirmado na ang ikatulong sangka nilang Saul 'Canelo' Alvarez ug Gennady 'GGG' Golovkin karong Septiyembre 12 didto sa AT&T Stadium sa Texas.

Unang nag-engkuwentro ang duha ka banggiitang boksidor niadtong Septiyembre 27 diin nahimong kontrobersiyal ang tabla nga desisyon.

Sa ilang rematch niadtong Septiyembre 2018, si Alvarez maoy gideklarar nga mananaog pinaagi sa majority decision, butang nga gipalagan og maayo ni Golovkin.

Gumikan kay parehong kontrobersiyal ang nag-una nilang duha ka sangka, miresulta kini sa ikatulong panag-abot nga seguradong atngan sa mga boxing fans.

Si Alvarez dunay record nga 53-1-2 uban ang 36KOs, samtang si Golovkin nagkupot og 40-1-1 nga baraha uban ang 35 KOs.